​اسی ️دل نوں مرشد جان  لیا

کسے ملیا پیر فقیراں نوں

کسے لبھیا ایتھے ہیراں نوں

کسے رو رو سچے رب اگے

لیا معاف کراں تقصیراں نوں

کوئی نکرے لگ کے بیٹھہ ریا

پا عشق دیا زنجیراں نوں

کسے سسی دا کسے ہونی دا

کوئی عاشق لیلی سوہنی دا

کوئی طالب چنگی شہرت  دا

کوئی سجن بوہتی دولت دا

اسی مالک پُٹھے شوقاں دے

اسی ویری سارے لوکاں دے

سروں لاکے فکروں، سوچاں نوں

اُک دل نوں اپنے نال لئیا

اسی وکھرے  سفر وی وکھرا سی

اسی رستہ وکھراڈھال لئیا

اسی حرص ھوانوں چھڈ دتا

جیہڑا شوق سی دل وچ نفیاں دا

اُس شوق نوں دل وچوں کڈھد دتا

اسی خوشیاں بدلے سوگ لیے

ساڈی نکی عمرے ہمت اے

اساں عمروں وڈﮯ ﺭﻭگ لیے

اسی نفیاں تے نقصاناں چوں

من ﻣﺮضی  ﻧال نقصان لئیا

ساڈے پاگل پن دی حد ویکھو

اسی دل نو مرشد جان  لیا

اسی دل ہتھوں مجبور ہوئے

اسی دل دے آگے ہار گئے

ایہہ ساری دل دی کرنی اُے

سب یار گئے سب اُِتبارگئے

اسی اُرلےکنڈھےپھرنے آں

 سب سجن  پرلے پار گئے

ناں دھپ ویکھی نا ں چھاں ویکھی

نا ماڑی چنگی تھاں ویکھی

ساڈی عقل سیاپاسو کیتا

اساں عقل دی اک وی نا منی

جو دل چاہیاا اساں اوہ کیتا

اسی سر نوں سٹ کے ٹردے رہے

سدادل دے آکھے لگدے رہے

اسی کھوئے جُتےڈھگے ساں

اساں اکھیاں میٹ  کے وگدے  رہے

Advertisements