سائیں

 کوئی علی آکھے، کوئی ولی آکھے
 کوئی کہے داتا، سچے مالکاں نوں
 مینوں سمجھ نا آوے ، کی نام دیواں
 ایس گول چکی دیاں چالکاں نوں
روح دا اصل مالک اوہی منیے جی
 جیدا نام لیے تاں سرور ہووے
 اکھاں کھلیاں نوں محبوب دسے
 اکھاں بند ہوونڑ تاں حضور ہووے
 کوئی سونڑ ویلے ، کوئی نونڑ ویلے
 کوئی گونڑ ویلے تینوں یاد کردا
 اک نظر توں مہر دی مار سائیں
 سرتاج وی کھڑا فریاد کردا
سائیں وے ساڈی فریاد تیرے تائیں
 سائیں وے باہوں پھڑ بیڑا بنے لائیں
 سائیں وے میریاں گنہاں نوں لُکائیں
 سائیں وے حق وچ فیصلے سنائیں
 سائیں وے ڈگئے تاں پھڑ کے اٹھائیں
 سائیں وے اوکھے سوکھے راہاں چوں لنگاہیں
 سائیں وے زندگی دے بوجھ نوں چُکائیں
 سائیں وے فکراں نوں ہوا چ اڈائیں
 سائیں وے ہولی ہولی خامیاں گھٹائیں
 سائیں وے کھوٹیاں نوں کھرےچ ملائیں
سائیں وے ماڑیاں دی منڈی نا وکائیں
 سائیں وے محنتاں دے مُل وی پوائیں
 سائیں وے سِلے سِلے نیناں نوں سکائیں
 سائیں وے پاک صاف روحاں نوں ملائیں
 سائیں وے سارے لگے داغ وی دھوائیں
 سائیں وے بھلیاں نوں انگلی پھڑائیں
 سائیں وے بس پٹی پیار دی پڑھائیں
 سائیں وے دلاں دے غلاب مہکائیں
 سائیں وے مِہراں والے مینہ وی ورسائیں
 سائیں وے زمین جہیاں خوبیاں لے آئیں
 سائیں وے ہوا جئی ہی ہستی بنائیں
 سائیں وے میل میرے اندروں مکائیں
 سائیں وے پیاریاں دے پیراں چ وچھائیں
 سائیں وے جذبے دی ویل نو ودھائیں
 سائیں وے شاعری چ اثر وسائیں
 سائیں وے سیر تو خیالاں نوں کرائیں
 سائیں وے تاریاں دے دیس لے کے جائیں
 سائیں وے میرے نال نال تو وی گائیں
 سائیں وے روحانی کوئی تال چھیڑ جائیں
 سائیں وے صوفیاں دے وانگ رنگ جائیں
 سائیں وے میں ہر ویلے کراں سائیں سائیں
  سائیں  وے فاصلے دی لیک نوں مٹائیں 
سائیں وے دراں تے کھڑے آں خیر پائیں
 سائیں وے دیکھیں ہُن دیر نا لگائیں
 سائیں وے اسی سج بیٹھے چائیں چائیں
 سائیں وے وے آپے ای واج مار کے بلائیں
 سائیں وے سچیں سرتاج ہی بنائیں
Edit

Advertisements